Venäjän arktini aloveh šuurenou
Venäjän presidentti Vladimir Putin allakirjutti lajin Venäjän arktisen alovehella ruatajien bisnesmiehien kannatukšešta. Lajin mukah arktiseh aloveheh lisättih vielä kolme Karjalan piirie: Koštamukšen kaupunkipiiri, Kalevalan ta Segežan piirit. Liittymini aloveheh auttau sosialisen ta talouvvellisen kehitykšeššä.
- Arktiseh aloveheh liittymini avuau uušie kehityšmahollisukšie pohjosilla piirilöillä. Šielä ruvetah tukemah geologien, ekonomistien, teknologien, ekologien ta muijen spesialistien toimintua. Šilloin näissä piirilöissä voijah noštua elämäntašuo, Venäjän tietoakademijan geologisen tutkimušlaitokšen mineralivarojen ošašton johtaja Vladimir Ščipcov šanou.
Hänen šanojen mukah pohjosella alovehella on äijän hyövyllisie kivenlouhošlaitošta.
- Nyt on tärkie eččie investorija ta peruštua houkuttelevie investointialovehie. Meijän on järješšettävä hyvie oloja bisnesmiehien toiminnan kehittämiseh. Olemma varmoja, jotta teollisuon ta liikkehien kehittämini auttau sosialista kehityštäki, Karjalan lajinhyväkšymiskokoukšen puhienjohtaja Elissan Šandalovič šanou.
