Vaumižrežim radab, röunatused möst vahveniba
27.07.2020
Vajehtuseline koronavirusan vaumižrežim Karjalas jatktase. Joukazjtegoiden ühtnikoiden lugumär om vähetud.
Koronavirusan taguiči ottud röunatusiden lugetiž vasttab sändoihe Karjalas. Kuva: freepik.com
Vaumižrežim Karjalas jatktase. Sü om vajehtuseline koronavirusan situacii. Siš Karjalan pämehišton ištundas starinoiči Karjalan pämez’ Artur Parfenčikov.
— Koronatartutandoiden dinamik Karjalan valdkundas vajehtase kaiken aigan. Sen-žo aigan virus vajehtase kaikuččen päivän da koronavirusan taguiči ottud röunatusiden lugetiž vasttab sändoihe, Parfenčikov sanui pämehišton ištundas.
Vaumižrežim radab Karjalas 12. päiväspäi keväz’kud.
22. heinkud röunatused möst vahveniba: pämehen käskon mödhe joukazjtegoiden ühtnikoiden maksimaline lugumär om möst 20. Uz’ käsk heiti 10. heinkud tehtud käskon, miččen mödhe joukazjtegoihe Karjalas voib ühteta ei enamba 50 mest.
ПОХОЖИЕ НОВОСТИ
