15. heinykuus algajen ulgomualpäi Ven’ale tulluzil enämbi ei pie olla 14-päiväzes karantiinas. Moizen miärävyksen on ualekirjutannuh Ven’an kuluttajansuoju- da tervehysviraston Rospotrebnadzoran johtai Anna Popova.
”Rajantarkastukses matkustajal täydyy ozuttua tovestus koronatestan negatiivizes tulokses. Todistuksen kieli on ven’a libo anglii”, sanotah miärävykses.
Miärävyksen mugah koronatestu pidäy luadie kolme libo vähembi päiviä enne Ven’an valdivorajas poikki ajandua. Ku ulgumualpäi Ven’ale tulluol ei ole voimas olijua koronatestutulostu, sit hänel pidäy luadie se kolmen päivän aigua jälles Ven’ale tulendua.
Miärävyksen kogo tekstu löydyy ven’akse täs.