Karjalan openduzorganizacijoiš jatktas vaumitas udehe openduzvodehe. Planoiden mödhe openduzvoz’ zavodiše normaližes formas.
—Openduzvoz’ zavodiše 1. sügüz’kud. Sid’ uksed lapsile avaidaba kaik Karjalan školad da Petroskoin prezidentan kadetopišt. Sen ližaks sügüz’kun augotišes avaidase kaik päivkodid, Karjalan openduzministerstvan radnik Aleksei Krivonkin sanub.
Koronavirus tegi kaiken-se ičeze kohendused openduzprocessaha.
—Opendust Karjalan školiš sätas käskoiden mödhe, Rospotrebnadzoran Karjalan erišton varapämez’ L’udmila Kotovič sanub.
Nügüd’ kävutadas Rospotrebnadzoran ühthižvenälaižed käskod, no ku tarbiž, Karjalan erišt voib ližada sijaližid sändoid.
—Mö tegem sijaližid sändoid, ku sam mugoižen käskon Karjalan valdkundmehištolpäi, Kotovič starinoičeb.