Uspenijan pühäkodi nouzeb tuhkaspäi
Valdkundaline istoriž-kul’turine tedajiden komissii om hüväksinu vodel 2018 požaras palanuden Uspenskajan pühäkodin udessündutamižen pakičusen.
— Kondopogan Uspenijan pühäkodin udessündutamižen pakičuses pagištihe Venäman kul’turan ministerstvan tedajiden komissijan ištundal. Puarhitekturan muštznamoiden da irdmuzejiden kaičendas vastusenpidäjad tedajad arvostiba projektad korktas, Karjalan kul’turjäl’gestusen objektoiden kaičusen valdišton pämez’ Julia Alipova starinoičeb.
— Uspenijan pühäkodi om ičeladuine sen arhitekturan da sauvomižes kävutud materialoiden polespäi. Meiden pätegend om sauda pühäkodi udes kävutaden tradicionaližid materialoid da vanhoid mahtoid, hän jatktab paginad.
Alipovan sanoiden mödhe tedajad lugeba nügüd’ pakičusen lopb’udžetad. Käziradoid kävutadas pühäkodin udessündutamižes enamba, mi mašinoid. Necidä pidab homaita b’udžetan lugemas.
Podr’adčikad völ ei valitud.
Eriline homaičuz om oigetud pühäkodin požarkaičusele. Pätegend om kaita pühäkodi hüvin radajal znamanandandladehel.
