Ujumištod voiba avaitas, vezipark om kohenduses
14.07.2020
Karjalan pämehen käskon mödhe ujumištod valdkundas voiba rata möst koumen kuden keskustan jäl’ghe.
Rospotrebnadzoran küzuiden mödhe ujumišton pindan 10 nellikmetrale om üks’ ristit. Kuva: Akvatika-vezikeskusen Vkontakte-lehtpol’.
Karjalan pämehen käskon mödhe ujumištod valdkundas voiba rata möst koumen kuden keskustan jäl’ghe.
Karjalan valdkundas jatktase koronavirusan epidemijan röuntusiden heitänd. Karjalan pämehen käskon mödhe ujumištod voiba rata möst koumen kuden keskustan jäl’ghe. Käsk radaškandeb 10. heinkud.
— Ujumištod voiba avaitas vaiše Venäman Rospotrebnadzoran anttud sändoiden mödhe, Karjalan pämez’ kirjuti ičeze Vkontakte-lehtpolel.
Kacmata sihe, miše röunatused om jo heittud, Petroskoin ujumištod om völ sauptud.
”Koumekuine keskust ei mänend tühjaks. Nügüd’ jatktase ujumišton kohenduz. Kohendust varastaba mugažo vezimägi da sauna”, sel’genzoittas Petroskoin Akvatika-vezikeskusen Vkontakte-lehtpolel.
ПОХОЖИЕ НОВОСТИ
