Uded opištod tuleba Karjalan agjoihe
Eläjiden lugumär kazvab Petroskoiš, Änižröunan da Präžan agjoiš. Uziden školiden da päivkodiden tarbhuz’ kazvab.
Uzid opištoid saudas pigai Petroskoiš, Medgoras da Kemiš. Petroskoiš Drevl’ankan rajonas saudas škol 1350 opnikoile. Školsauvond linneb 2022 vodehesai.
Uzid školid planuitas sauda mugažo Kemiš da Medgoras. Karjalan Openduzministerstvan mödhe udehe Kemin školha pakitihe 1200 sijad openikoile. Školsauvond lopihe tulijal vodel. Medgoras saudud škol avaidab uksed vodel 2022. Školas voib opetas ühten aigan 1200 last.
Änižeröunan agjan Zaozerjen päivkodin uksed avaitas necikš vodeks. Uz’ päivkodi taričeb sijoid 200 lapsele.
— Voziš 2019-2020 Demografija-rahvahaižprojektan ramkoiš om planuitud 2400 ut päivkodisijad. Proidnudel vodel Karjalas oli 800 ližasijad päivkodiš. Neciš vodes avaitas völ 1600 ližasijad, starinoičeb Karjalan openduzministr Roman Golubev.
