Keskrahvahan taidehlager’ zavodib rata tämbei. Kudes päiväs kümne Karjalan rahvahaližen teatran akt’orad da kuz’ heiden kollegad Joensuuspäi harjoiteleba virtualižesti opendajidenke kut gruppoiš, muga üksin-ki.
—Theatre Cross-Roads-projektan aigan tehtas Peer Gynt-ozutez, miččen idei om oppida ristitun südainmirud. Sigä kävutadas likundkel’t, muzikad da vändimid, sanub ozutesen ohjandai Kirill Sbitneb.
Laboratorijan harjoitusiš akt’orad oppiba likundkel’t Rahvahaližen teatran akt’oran V’ačeslav Pol’akovan da suomalaižen teatrohjandajan da opendajan Tiia-Mari Mäkižen ohjandusel. Rahvahaližen teatran akt’or Ksenija Šir’akina pidäb vastust muzikharjoitusiš.
Teatrlaboratorijan aigan akt’orad vaumičeba virtuališr Peer Gynt-ozutest da suomen- da venänkelišt koncertprogrammad.
Theatre Cross-Roads-projektan mödhe kezakus 2019 Suomes tehtas teidehlager’. Sid’ toine lager’ tahtoitihe tehta Karjalas. Koronavirus telusti akt’oroiden planoid. Keskrahvahan teidehlager’ om tehtud kut virtualine teatrlaboratorii.
Virtualižes teatrlageriš voib lugeda ližatedod Karjalan Sanomat lugendlehteses 1. heinkud.