Sommelo-muuzikkufestivualii ei pietä pandemien periä. Runopajoloin konsertat pietäh vuvven loppussah. Konsertoi ruvetah sijoittamah internettah joga kuudu.
– Runopajoloin kluubu on pieni konsertu, kuduas piädielonnu on runopajo. Erähis kluubis rodieu muudugi muuzikkua. Pivon avajazis oli videotervehtyksii muzikantoil Vuokkiniemes da Yhtysvalloispäi da tervehtyttihfi rahvastu afriekkalazet muzikantat Suomespäi, kerdoi Sommelo-festivualin taijolline johtai Pekka Huttu-Hiltunen.
Festivualih yhtyygi Young dreamers -muuzikkujoukko Kalevalaspäi.
– Ezitämmö pajoloi suomen, karjalan da ven’an kielel, kerdoi Young Dreamers -joukon muzikantu Tatjana Bel’ajeva.
Festivualih kačotah yhtyö sežo Lokki-tansijoukko, Kalevalan kandelehyhtymy da Veikko Pällizen nimen kandai rahvahan pajoyhtymy.
Nygöi on järjestetty kaksi striimavuskonsertua. Tulii konsertu pietäh 25. heinykuudu. Pekka Huttu-Hiltuzen sanoin mugah Young Dreamers -muuzikkujoukko ezittyy runopajoloin kluubas sygyzyl.
Ližiä tieduo runopajoloin konsertois voibi suaja täs.