Sanu! Luge! Kirjuta! – “Vepsän kul’tursebr” radaškandeb udes projektas
Täl vodel “Vepsän kul’tursebr” vägesti “Sanu! Luge! Kirjuta!” -projektanke Karjalan pämehen grantoiden konkursas. Projektan pätegendan om vepsän kelen kaičend da kehitoitand nügüdläižiden tehnologijoiden abul. Sihe mülüb erazvuiččid vepsänkeližid vändoid, viktorinoid, openduzkursid harjoitusidenke. Mugoižen openduzplatforman sädab Šokšun školan vepsän kelen opendai Gleb Fomin.
— Opendajile pidab kävutada openduses nügüdläižid tehnologijoid, miše kaita lapsiden melentartuz’ kelehe. Paksus naprin antta openikoile väta interaktivižel laudal vepsläižihe vändoihe, miččid tegen iče. Nügüd’ školas om vaiše üks’ vepsän kelen urok nedališ. Nece om lujas väha. Nügüdläižed tehnologijad andaba openikoile ližatedoid joudajal-ki aigal, sanub Gleb.
Jo kezaks projektan tegijad tahtoiba kodvda tehtud openduzplatform vepsän man školiš, kus opetas vepsän kel’t. Sid’ se tegese kebnpäzuižeks kaikile tahtnikoile.
Uzištoid neciš temas voib lugeda mugažo venäks.
