Ruskeala Symphony -festivuali pietäh yhtes päiväs
Tänävuon koronaviirusan pandemien täh kaksipäiväine muuzikkufestivuali pietäh yhtes päiväs. Päivän aloh pietäh viizi konsertua.
Fersivualin gostii vastatah Karjalan Skylark-muuzikkujoukon artistat Terveh teile -konsertan aigua. Karjalazet muzikantat soitetah karjalazien da toizien rahvahien pajoloi. Festivualin avuau Keskipäivy Pariižas -konsertu “Itualielazes” kivensuandukohtas. Pivos rodieugi Karjalan filarmounien miehien horan enzi-ildu.
Tchaikovsky night -loppupivos laval ezitytäh muailman kuulužat ouperan pajattajat. Pidäy mustoittua, ku tänävuon piettih 180-vuozipäivy P’otr Čajkovskoin roindas. Tavan mugah festivualin lopus sytytetäh ilotulet.
Ruskela on sijoitannuhes 37 kilometrin piäs Sordavalaspäi. Sinne voibi piästä Sordavalan, Petroskoin libo Piiterin kauti. Festivualin alovehel on 500 paikkua mašinoih niškoi.
