Rajotukšie vällennetäh
Oraškuun 18. päiväštä Petroskoissa alettih kulkie trollikat. Matkuajie voipi ajua niin äijän, kuin monta issuinpaikkua on trollikašša. Kulettajilla ta matkuajilla pitäy olla maski piällä ta šormikkahat kiäššä. Viimesellä pyšäkillä ajoneuvot desinfioijah.
Šamat šiännöt on pakolliset alovehien välisien reissubuššien šohveriloilla ta matkuajilla.
Kotimuan autobuššiyhteyš tašavallašša šekä reissubuššien toiminta Petroskoissa vielä on kielletty.
Oraškuun 20. päiväštä tašavallašša aletah toimie kirjaštot. Eri-ikäsien ihmisien palvelu erotah aikataulun mukah. Oraškuun 25. päiväh šuaten ottua kirja šuau vain ennenaikasen tilaukšen mukah. Vapua piäšy kirjaštojen fondiloih ta lukušaliloih vielä on kielletty.
Aletah toimie ni pihalla olijat turistiobjektit. Oppimatkah šuau ošallistuo enintäh 10 henken ryhmä piteliytyön tarvittavie šiäntöjä.
