Karjalan opastundulaitoksil valmistutah uudeh opastunduvuodeh. Opastunduvuozi kačotah järjestiä tavallizes muvvos.
— Opastunduvuozi algavuu 1. syvyskuudu. Silloi omat veriät avatah kai Karjalan školat da Petroskoin kadiettuopisto. Sen ližäkse syvyskuun allus avavutah kai lapsien päivykoit, kerdoi Karjalan opastunduministerstvan lehtistösekretari Aleksei Krivonkin.
Ga koronaviiruksn periä rodieugi muutostu opastundan protsesas.
— Opastundua Karjalan školis järjestetäh vuadimuksien mugah, kerdoi Rospotrebnadzoran Karjalan ozaston virras toimii L’udmila Kotovič.
Nygöi Karjalas käytetäh Rospotrebnadzoran kogo Ven’ale tarkoitetuttuloi vuadimuksii, ga Rospotrebnadzoran Karjalan ozasto voi ludie paikallizii siändölöi.
— Luajimmo paikallizii ohjavoloi, gu suammo käskyn Karjalan halličuksespäi, kerdoi L’udmila Kotovič.