Täl vodel Karjalan da vepsän kelen nedalid tehtas Karjalas vaiše sügüzel. Nügüd’ kaik azjtegod vedetas online-formatas. Niiden keskes oli ”Vepsläine kviz”-vänd, mitte oli tehtud 6.-7. kezakud. Karjalan Rahvahaližen da regionaližen politikan ministerstvan radnikad oma vaumičenuded mel’vändon VKontakte-verkos. Kaik tahtnikod voiba antta vastusid melentartuižihe küzundoihe vepsän rahvahan da sen veroiden polhe i oigeta vastusid ”Vepsläine kviz”-vändon tegijoile. Kaik ühtnikad saiba sertifikatoid, a parahimad heišpäi saiba lahjoid. Täl kerdal ”Vepsläine kviz”-vändon vägestajaks tuli Julia Naumova. Ozatelem händast!