Natalja Anhimova sai korktan arvnimen
Šoutjärven etnografižen muzejan pämez’ Natalja Aleksandrovna Anhimova sai korktan arvnimen “Karjalan Valdkundan kul’turan arvostadud radnik” korktas tedomahtos, muzejan radon kehitoitandas da Karjalan kul’tur-istorižen jäl’gestusen kaičendas.
Natalja Aleksandrovna om aktivine kundaline tegii, hüvä ohjandai, suren hengen mez’, tutab Šoutjärven eläi, kudamb omišti ičeze elon vepsän rahvahan kul’turan, tradicijoiden da istorijan kaičendaha.
Neniš voziš Natalja Anhimovan ohjandusel muzejan keradamištoiden lugu kazvoi, muzei tuli sijaks, kus ahthas kosketase valdmehed, kul’turan radnikad i tedomehed. Vodel 2016 Natalja Aleksandrovna ohjanzi tutaban Mel’kinan pertin kohendust.
Natalja Aleksandrovnan satusekaz tedoteluzrad om oigetud vepsän kelen, kul’turan da literaturan parahimiden tradicijoiden kehitoitandaha da kaičendaha.
Ozatelem Natalja Aleksandrovnad korktan pauklahjan samiženke, spasiboičem äivozižes da satusekahas ühthižrados, sures ičeze painduses vepsän rahvahan tradicijoiden kaičendan küzundoiden pätandaha!
