Medgoran mägilaskendkeskuz varastab kohendust
Mägilaskendkeskusen udištamižen jäl’ghe hihtändaig jatkub redukuspäi semendkuhusai. Hihtändaigad pidendab lumipušk.
Karjalas jatktas sportinfrastrukturan udištamine. Petroskoiš olijan Kurgan-sportkeskusen ližaks udištamišt varastab Karjalan alovehen sportčokimid, miččiden keskez om Medgoran mägilaskendkeskuz.
Nügüd’ kirjutadas planoiden azjbumagad da rahanpidoarv.
— Om jüged sanuda, konz kohenduz zavodiše, no om sel’ged, miše se tehtas aigkeskuses. Medgoran sportškolan pämez’ da mägilaskijoiden harjoitai Pavel Ogluzdin homaičeb.
Mägilaskendkeskusen alovehele pandas lumipušk.
— Laskendteiden lumendamine om tärged laskendan pala. Londusetoi lumi om libedamb londusišt lunt da sišpäi voib kebnemba tehta laskendted, Ogluzdin sanub.
Harjoitai rohktas sanub, miše lumipuškan abul voib pideta hihtändaigad.
— Ku proidnuzil vozil hihtändaig zavodihe vilukus da lopihe keväz’kus, sid’ udištamižen jäl’ghe laskendaig Medgoras voib jatkta reduspäi semendkuhusai, Ogluzdin homaičeb.
Udištud Medgoran laskendkeskuz sättub mägilaskendsportan stantardoihe.
Ližad voib lugeda Karjalan Sanomad-lehteses 8.heinkud.
