Rubčoilan kyläs rodih nelli uuttu kul’tuuruperindön objektua. Käskyn uuzih kul’tuuran objektah nähte on ualekirjutannuh Kul’tuuruperindön objektoin vardoiččemizen alovehellizen haldivon piälikkö Julija Alipova.
Nygöi valdivon vardoittavat ollah vuvvennu 1910 nostettu Fedulinan da Jermolajevan taloi, XIX-vuozisuan toizel puoliškol nostettu Mihailovan taloi, XX-vuozisuan allus nostettu Amosovien da Sadovskien taloi da 1940-luvul nostettu Anekovan taloi. On mainittavu, ku Rubčoilas on jo yksitostu Karjalan histouriellis-kul’tuuruperindön objektua. Niilöin joukos on vuvvennu 1865 nostettu Pyhän Iivanan časounu da pyhä rossu.