Petroskoista piäšöy uuvveštah lentokonehella Moskovah ta Šuvi-Venäjällä koronapandemijan aiheuttaman keškeytykšen jälkeh. Moskovan-lennot myöššyttih taivahalla 5. kešäkuuta. Vuoro nousi ilmah Petroskoista kello 17:35 ta piäsi Moskovah kello 19:10.
Aikataulun mukah vuoro lennetäh piätinčöinä ta pyhinäpäivinä. 15. kešäkuuta alkuan lennot šuoritetah nellä kertua netälissä enšiarkiloina, serotoina, piätinčöinä ta pyhinäpäivinä.
Enšimmäini lento Petroskoista šuveh, Anapah lähtöy 16. kešäkuuta. Kaikki lennot šuoritetah Venäjän kuluttajanšuojavirašton Rospotrebnadzorin ohjeita piteliytyön.
Viime vuosina monet Karjalan eläjät ollah lennetty Moskovah ta Venäjän šuvikaupunkiloih Petroskoin lentoašemalta. Moskovan-vuoroja šuorittaja “Pobeda” ta Venäjän šuvikaupunkiloih lentäjä “Severstal” ilmotettih šulakuun alušša lentojen keškeyttämiseštä koronapandemijan takie.