Kondopogan Olimpiadrezervan opišt varastab jämäčvändajad
20. heinkuspäi 1. elokuhusai federaližes olimpiadrezervan opištos Kondopoga-lidnas tehtas kacundvastuz, miččile tuleb 120 nor’t jämäčvändajad man 22 agjaspäi, niiden keskes – sportmehed Karjalaspäi (Petroskoi, Kondopoga, Pudož).
Koronavirusan taguiči sportmehid jagetas gruppoihe. Om ottud homaičusehe kaik azjad koronavirusad vastte: modmaskrežim, temperaturan märičend i negativine analiz koronavirusale.
12 sportmest valitas opišton joukuhu, miše ühtneda Rahvahaližehe norištjämäčun ligaha –2020/2021 vägestuses. 28 mest linneba rezervas i hüviš satusiš voiba väta päjoukos.
— Necil vodel anttas 50 maksmatont sijad. Paiči jämäčvändajid mö otam 10 sportmest suks’sportas, tekvando- i sambo-sportroduiš, sanui federaližen olimpiadrezervan opišton pämez’ Aleksandr Voronov. Tahtnikoid putta jämäčjoukuhu om äi. Ühtele tahole om 10 mest.
