Aktiiviset naiset keräyvyttih yhteh ta piätettih tällä keinoin järještyä omua joutoaikua. Klubin johtajiksi tultih Margarita Sakovič ta hänen apulaini Galina Bibikova.
Kerta kuukauvešša, a toičči ni rikenempäh, naiset keräyvytäh paikallisen kirjašton tiloissa ta čäijystolašša paissah dača-kyšymykšistä, kerrotah toini toisella käsityöammattien šaloista, valmissetah kulttuuriohjelmie, vietetäh muasteri-oppija. Kareločka-klubin jäšenet otetah ošua pos’olkan kaikkih toimenpitoloih – supotniekkoih, konserttiloih, illaččuloih. Hyö kaikin ollah yheššä ta šiinä on heijän voima.
Šyrjäkyläššä elämä kulkou omua tietä äšen erotannan aikana. Klubin jäšenet vajehellah keškenäh reseptijä, šiemenie, taimenie. Naisilla on peruššettu ryhmä VK-sosialiverkošša, kunne hyö voijah ašettua omien mua-alojen kaunehie kuvie ta mukavie idejoja.
Kareločka-klubilla on monta šuunnitelmua tulovaisuoh.