Petroskoin puistoja halutah šäilyttyä peruštamalla vihrie vyöhykeh, kumpasešša on kaupunkie ympäröiččijie meččie šekä kaupunkin puistoja ta jokien lähialovehie. Vihrie vyöhykeh hyväkšytäh tämän vuuvven lopukši. Še liittyy kaupunkin yleiskuavah.
Vyöhykkehen pinta-ala on noin 5 500 hehtarie.
– Petroskoin ympärillä peruššettavašša vihrieššä vyöhykkeheššä luonnonhoitošuunnitelman mukaset hoitoprojektit ollah mahollisie, Karjalan luonnonvarojen- ta ympäristöministeri Aleksei Ščepin šano Karjalan lajinšiäntökokoukšešša pietyššä issunnošša.
Ympäristölajin mukah hyväkšytyn vihrien vyöhykkehen pinta-alua ei šua muuttua. Šilloin ennein vihrien vyöhykkehen hyväkšymistä järješšetäh julkiset käsittelyt petroskoilaisien kera.
– Kaupunkinhalličukšelta vuotamma Petroskoin puistojen ta jokien lähialovehien kuavoja. Tänä vuotena nämä vihriet alovehet pitäy kirjata rekisterilistah, ministeri lisyäy.