Karjalan kieli kielioppilois -kirja kiännettih karjalakši tänä vuotena. Muutoma vuosi keštänyöštä tutkimukšešta nyt šuau lukie karjalakši.
Karjalankielini versijo on Martti Penttosen ta Jelena Ruppijevan šuuren ruavon tuloš. Kirjua kiäntyässä hyö käytettih äijän uušie termijä. Kiännöš on julkaistu Kone-fondin ta Karjalan kielen koti -järještön kannatukšella.
Muissutan, jotta Karjalan kieli kielioppilois on karjalan kielen tutkijan Novak Irinan, projektin alkuhpanijan Martti Penttosen, kiäntäjän Aleksi Ruuskasen ta Itä-Šuomen yliopiston professorin Lea Siilinin tevoš. Kirjašša on vertailtu keškenäh karjalan kielen kaikki murtehet, šiitä šuau tietyä missä paikašša mitä murrehta käytetäh ta mimmosie murreherikoisukšie šielä on olomašša. Kirjan valmistamisen projekti kešti viisi vuotta. Šen lisäksi tämä kirja kiännetäh enklanniksi.