Karjal suau miljardoi kehitysprogrammah
Enzimäine miljardu annetah federuallizes b’udžietaspäi heinykuus. Samua summua Karjal rubieu suamah joga vuottu vuodessah 2024.
Karjalan tazavaldu rubieu suamah miljardu rubl’ua vuvves joga vuottu vuodessah 2024 federuallizes b’udžietaspäi omah sotsiualu- da talovusprogrammah. Enzimäine miljardu annetah jo heinykuus. Sih nähte paistih Ven’an talovusministran da Karjalan, Altain da Tivan tazavalloin piämiehien nevvostol mennyt nedälil.
Karjalan sotsiualu- da talovusprogrammah kuulutah muatalovuon, turizman da liikehalan kehittämine, invistitsiiprojektoin kannattamine, eländypaikoin da sportutiloin nostamine da uuzien ruadopaikoin avuamine. Sen mugah pannah kundoh Belomorskan kallivopiirrokset -kompleksu, rakendetah uuzii pajoi Petroskoin tevolližusparkah da perustetah talvisportulajien klasteru.
