15. päiväspäi heinkud verhiš maišpäi Venämale tulijoile ristituile ei tariž enamba ištta kaks’nedaližel karantinal. Mugoižen käskon allekirjuti Venäman Rospotrebnadzoran pämez’ Anna Popova.
”Röunantarkištuses matknikoile tariž ozutada röunradnikoile negativižen koronatestan satusen vahvištuz. Vahvištusen kel’ om venän vai anglian”, sanutas sändos.
Käskon mödhe laboratorižid analizoid pidab oigeta aigemba koumed päiväd edel Venäman valdröunad ülitamišt. Ku verhas maspäi Venämale tulijal ristitul ei ole koronatestan satust, hänele tariž antta analizad kolmes päiväs päliči tulendan jäl’ghe Venämale.
Käskon kogonaine tekst voib lugeda täs.
29. kezakud Karjalan pämez’ Artur Parfenčikov starinoiči tarbhaižen karantinanküzun heitändas Karjalan valdkundas. Sid’ vajehtamine kosketi vaiše Venämal matkustajid ristituid.