Kanšallispolitiikan alan veteranit šuatih palkintoja
Kanšallisen politiikan alan veteranit keräyvyttih Kanšojen yštävyštalošša, missä oli pietty kanšallisen politiikan toteuttamisen 30-vuotisjuhlalla omissettu seremonija.
Karjalan tašavallan kanšallisen ta alovehellisen politiikan ministeri Sergei Kisel’ov šano tervehyš- ta onnittelušanoja veteraniloilla, kumpasien voimin kanšallini politiikka rupesi toimimah Karjalašša vuotena 1991.
— Mie šanon šuuri passipo niillä, keneštä tämä ruato alko. Myö muissamma, kuin vaikiet ajat šilloin oltih. Ministerijön ruavon aikana toiminnan piätarkotukšet ta arvot šiirrytäh vanhemmilta ruatajilta nuoremmilla. Nyt myö šuamma šuurta kannatušta Karjalan piämieheltä ta še auttau toteuttua idejoja, korošti ministeri Sergei Kisel’ov.
Komitietan ta ministerijön veteraniloilla ministeri myönti kunnivomerkkijä ta kunnivokirjoja. Vuotisjuhlan kynnykšellä oli hyväkšytty uuši palkinto — rintamerkki šuurešta panokšešta Karjalan kanšalaisyhteiskunnan kehitykšeh. Rintamerkkijä šuatih Tatjana Klejerova, Zinaida Strogolščikova, Svetlana Pas'ukova, Viktor Bogdanov, Viktor Birin, Andrei Manin, Viktor Krasnožon, Jevgenii Šorohov. Kunnivokirjoja panokšešta kanšallispolitiikan kehitykšeh šuatih Jurii Šabanov, Lidija R'amenen, L’udmila Talja, Natalja Sinitskaja, Valentina Karakina.
Veteranit hyvillä ta lämpimillä šanoilla muisseltih ruatovuosie ta toivotettih mäneššyštä kanšallisen ta alovehellisen politiikan ielliseššä toteuttamisešša.
