Kalevalan rand-dokumentaližen fil’man ezmäižele ozutesele
Ristituiden ma – projektan nel’l’ dokumentališt fil’mad kuvadaba karjalaižiden, vepsläižiden da inkerisuomalaižiden elomištod.
Ristituiden ma – projektan Kalevalan rand – dokumentaline fil’man ezmäine ozutez mäni Kul’tura-TV:kanalal. Se om dokumentaline serial, mitte om tehtud nelläspäi dokumentaližes fil’maspäi. Ned kuvatihe Karjalas proidnudel sügüzel da tal’vel i ozutadihe kul’turkanalal kevädel.
Kalevelan rand ozutab Vienan Karjalan eläjiden elod. Raštvad Karjalas – dokumentaline fil’m om omištadud inkerisuomalaižile. Karg kondjanke – dokumentaline fil’m starinoičeb vepsläižiš da Pohjoižen Grecijan starinoid Änižnemen eläjiš.
Mosvalaine sjomkoiden grupp oli Petroskoiš, Šoutjärves, Pudožas, Kiži-sares, Kalevalas da Juškozero-küläs.
Ristituiden ma – projektan dokumentaližed fil’mad Karjalan valdkundas om tehtud Karjalan valdkundan rahvahaližen politikan ministerstvan abul. Kaik 20 projektan fil’mad voib kacta Rossija-Kul’tura – TV:kanalan Internet-lehtpolel vai YouTube-kanalal.
