Avtobusad möst ajaškandeba Karjalas
Kundaline ajamine avaitihe Karjalas 1. kezakud. Se ei koske vaiše Oloncan agjad, kus om hubad epidemianolod da voib ajada vaiše taksil. Agjan radonandajile tarbiž holitada radnikoiden ajamižes radole da tagaze kodihe.
Petroskoiš avtobusad zavodiba ajada vähäšt aigemba, 28. semendkud. Tarbiž, miše avtobusoiš matknikoiden da ištundsijoiden lugu oli ühtejitte. Petroskoiš peniš avtobusoiš om tobjimalaz 18 sijad. Matknikoile da avtobusanvedäjale tarbiž kävutada modmaskoid, sormikod, tarbiž, miše avtobusoiš oliži antiseptikad. Lopseižutimil avtobusoid pidab puhtastada.
Petroskoin lidnanvaldišton radnikad kodviba kundališt ajamišt kaikuččen päivän. Keskustamižiden keskes om modmaskoiden da antiseptikoiden mairiž. Ližaks vedäjil paksus ei ole modmaskoid.
–Pidab muštta, miše puhtastamine om hüvä maht väheta tartun riskoid, sanub Karjalan pämez’ Artur Parfenčikov ičeze Vkontakte-lehtpolel.
Ei möhemba 1. elokud avtobusoiš kävutadas koskmatoi maks.
