“Vepsläine kviz” mäneb 12. tal’vkud Karjalan rahvahiden pertiš. Kviz linneb omištadud vepsläižile tradicijoile, veroile da aigtegoile. Sen sädi om Karjalan Rahvahaližen teatran arvostadud artist Aleksandra Aniskina.
— Minai oli taht kerata vepsläižid edel Uden voden praznikoid, ühtes väta, lahjoita lahjoid. Kviz om oigetud päazjan norile mehile, sanub Aleksandra.
Kviz om vänd, miččes joukud voibištelesoiš anttes vastusid vedäjan küzundoihe.
Kvizan täht keratas joukud, kaikuččes niišpäi tariž olda 5 mest. Joukuile pidab antta nimi da registriruidas kvizan sädajan da vedäjan Aleksandra Aniskinan VKontakte-lehtpolel.
Ühtnikoiden registracii om avaitud 7. tal’vkuhusai.