Vanha kylä -festivali kuččuu yhtyvehie
Kalevalan päivän juhlimisen rajoissa Sortavalašša pietäh Vanha kylä -festivali. Järještäjät kučutah yhtyvehie liittymäh festivalih.
Festivalih voipi ošallistuo luovie yhtyvehie, folkloriryhmie, käsityömuasterija, spesialistija, kumpasien toiminta kuuluu Katjalan ta Venäjän luoteis-ošan etnokulttuuriperintöh.
— Festivalih jo ilmotauvuttih JALGI-musiikkiyhtyveh. Hyö esitetäh omua šekä kanšanmusiikkie perintehellisillä omin käsin luajituilla šoittimilla. Heijän ohjelmašša rupieu kuulumah karjalan kieli. Vielä yksi yhtyveh, kumpani tulou festivalih on Kanšanlaulunyhtyveh “Vereja”. Yhtyveh popularisoi kanšanmusiikkie ta esittäy nykyaikasie šovitukšie, šelitettih festivalin jäjreštäjät Sortavalan Sosiali-kulttuurisen nuorisokeškukšen Vkontakte-šivulla.
Festivali keštäy kakši päivyä — 22. ta 23. päivä. Enšimmäisenä päivänä pietäh seminari, toisena päivänä avatah jarmankka ta pietäh konsertti.
Hakemukšie festivalih ošallistumiseh otetah vaštah tuiskukuun 15. päiväh šuaten. Lisätietuo löyvät Sortavalan Sosiali-kulttuurisen nuorisokeškukšen VKontakte-šivulla.
