Karjalan Rahvahan liitto ta Karjalan kanšantaijon ta kulttuurialottehien keškuš viettäy Kanšainvälisenä kantakanšojen muamonkielien päivänä lyhyijen luventojen šarja. Še pietäh uuvvissetušša tilašša — Petrovskii-kulttuurikeškukšešša.
— Luvennot ollah omissettu Karjalan kantakanšojen perintehillä: Karjalan kanšantaijon ta kulttuurialottehien keškukšen piäspesialisti Ol’ga Husu kertou talonpoikien muotišiännöistä, Arhippa Perttusen šiätijön jäšen Julija Filippova esittäy karjalaisen keittijön erikoisukšie ta Istorijallisien tietojen kandidatti, Nuorien tietomiehien neuvošton puhienjohtaja Sergei Minvalejev šanelou Karjalan arvautukšista, šelitetäh järještäjät.
Lisäkši vierahilla pietäh opašretki Petrovskii-kulttuurikeškukšešša ta šen näyttelyššä.
Tilaisuuš alkau 21. tuiskukuuta kello 17.00. Piäšy on ilmani.
Kanšainvälini kantakanšojen kielien päivä vietetäh 21. tuiskukuuta. Šen tarkotukšena on kannattua kantakanšojen kielie ta kiinittyä huomijuo niijen šäilyttämiseh.
Aihiešta voit lukie niise šuomekši.