“Periodikas” radab Šoutjärven muzejaspäi todud ozuteluz
“Periodikas” radab Šoutjärven muzejaspäi todud ozuteluz
Kuvaozutelusen nimi om “Unohtamatomad sijad”. Se ozutab vepsläižen Järvidenkeskišton čomut. Ei amu se todihe Petroskoihe Šoutjärvespäi.
“Unohtamatomad sijad” -ozutelusel voib nägištada vepsläižen Järvidenkeskišton londusen čomut, mitte libutab ristitun henged sädandradho. Kuvidenke rindal om ezitadud literaturižiden töiden otegid, miččiš mugažo om kirjutadud necen tahon čomudes. “Unohtamatomad sijad” -ozuteluz starinoičeb runoilijoiš da kirjutajiš, fotokuvadajiš da käzitön mastariš, kudambad oma sündnuded vai eläba vepsän mal, da mugažo neniš ristituiš, ked oleskeliba
— Kaikutte kuva, kaikutte tehmuz — nece om pagin sen avtoranke da kucund dialogale kodirandan polhe.
Ozutelusel om tedonmahtoižiden da mastariden-navedijoiden sädandrad. Toivom, miše kactes ozutelust, ristituil sündub taht tulda nenile tahoile nägištamha sen čomut ičeze sil’mil, sanub Šoutjärven vepsläižen etnografižen muzejan pämez’ Natalja Anhimova.
Petroskoiš “Unohtamatomad sijad” -ozuteluz linneb tulijan voden 31. vilukuhusai, sid’ se pördase tagaze Šoutjärven vepsläižehe etnografižehe muzejaha.
