Kino-ozutez: Karjalas kuvatihe uz’ fil’m Vepsän rahvahan horas
“Vepsän rahavhan hor” -dokumentaližen fil’man pohjaze om pandud istorii kollektivan sündundas, starinad ristituiš, kudambad pajatiba horas da ohjanziba sidä erazvuiččil vozil. Fil’man pähenged oma Vepsän rahvahan horan ühtnikad, a sädai — Karjalan Rahvahan sädandradon da kul’turižiden iniciativoiden keskuz. Necen pätničan Petroskoiš mäneb fil’man ezmäine ozutez.
— Idei tehta fil’m Vepsän rahvahan horas sündui meiden keskusen radnikoil. Olem mugošt mel’t, miše om tärged kaita necen kollektivan istorijad. Ved’ videohronikoid siš om kaičenus lujas vähä. Fil’m tegihe čomaks. Kucum kaik prezentacijale, sanub keskusen varapämez’ Tatjana Ledn’ova.
Fil’man ezmäine ozutez mäneb necen pätničan Petroskoiš. Edel sidä kacujad tundištasoiš fil’man kuvadandjoukunke da kundleba Vepsän rahvahan horan erasid pajoid.
Muloi Vepsän rahvahan hor vägesti Ühthižvenälaižes sädandkollektivoiden festivališ-konkursas da sai “Kul’tur” -rahvahaližen projektan grantan. Sen taguiči oli kuvatud nece fil’m.
Enamba tedoid “Vepsän rahvahan hor” -fil’man prezentacijas voib sada tägä.
Uzišt neciš temas voib lugeda mugažo venäks.
