Koštamukšen kaupunkipiirin Vuokkiniemen kyläššä Kuitti-järven jiällä piettih Šeiččemeš talvikalaššušfestivali “Kuitin kala”. Kaunis kevyäni šiä ta kalaššuškiihku toi hyvyä mieltä 17 joukolla, kumpaset piätettih ošallistuo kalaššuškilpailuh.
— Jiäkalaššukšen tulokšien mukah Šeppä-joukko piäsi enšimmäisellä paikalla. Še šai 4 kiluo 250 grammua kalua. Toisekši piäsi Gran’-joukko ta kolmannekši Al’oški-joukko. Pienin kala puuttu Karelian fiš -joukolla, še oli kuuši šenttie ta pisin 25 šenttini ahven šuatih Mormiški-joukon jäšenet. Kaikki hyö šuatih mukavat lahjat partn’oriloilta, šelitettih festivalin järještäjät.
Kalaššukšen jälkeh rannalla oli järješšetty huvitušohjelma: kisoja ta piirileikkijä šekä keitetty kalakeitto. Kaikki šuatih maissella kostittamiset festivalin piäpartn’orilta “Kala ja Marjapojat”.