“Joiku–CAMP” -projekt keradab Karjalan norid muzikan navedijoid
05.02.2024
15.–19. sulakud Karjalas tehtas etnolager’ norištole, mitte navedib pajatada i tahtoib sada enamba tedoid da mahtoid rahvahan pajatandas.
Etnolager’ tehtas norile mehile, kudambad navediba da mahtaba pajatada. 18+. Kuva: Projektan tunduzznam
Sulakus Karjalan Rahvahan sädandradon da kul’turižiden iniciativoiden keskuz sädab lagerin noriden muzikan navedijoiden täht. Lagerin radho voiba ühtneda 18—35-voččed nored mehed. Projektan aigan ühtnikoiden täht tehtas äi azjtegoid, miččed om oigetud rahvahan tradicionaližen pajatandan popul’arizoitandaha.
– Paiči “Joiku–CAMP” -lagerid, projektan aigan tehtas rahvahan tradicionaližen pajatandan mastar’-klassoid Karjalan rajonoiš, kuvatas videorolikoid necile temale da pidetas koncertad. Nügüd’ mö keradam ühtnikoiden pakičusid da heiden tahtoiden mödhe valičem ekspertoid, sanub keskusen varapämez’ Tatjana Ledn’ova.
Pakičusid ühtnendaha pidab oigeta 11. päivähäsai keväz’kud.
Enamba tedoid projektas voib sada tägä.
Lisää aiheesta
