Ilmoittai Naizien fourumah jo tänäpäi
Tänävuon fourumu omistetah Karjalan naizien liikkehen 100-vuozipäiväle da Ven’an Perehen vuvvele.
Sada vuottu tagaperin, vuvvennu 1924 kevätkuun 15.—17. päivinny Petroskois piettih Enzimäine Karjalan ruadajien da muanruadajien naizien kerähmö.
— Fourumah yhtynyzih naizih niškoi roih valmistettu monipuoline programmu, se kiinnittäy kui niilöile, ket vaiku tahtotah panna rattehile oma biznessu, mugai jo ruadajile biznes-naizile, ilmoittau Karjalan Ruadoväinkeskus omal vk-sivul.
Ilmoittuakseh fourumah voibi adresil. Fourumah yhtynyzien miäry on rajoitettu.
Fourumah yhtyy läs 600 naistu — eri ammattii da igiä, Karjalan kaikkien piirilöin edustajua, enne kaikkie kučutah Ven’an Naizien liiton Karjalan ozastoh kuulujii naisnevvostoloin johtajii.
Ven’an Naizien Liiton Karjalan ozastot jo ruvettih valmistamah XV Naizien fouruman rezol’utsien projektua.
Fourumu pietäh 11.00 aigua Karjalan muuzikkuteatras adresil Petroskoi, Kirovan piha, 4.
