1200 lašta Kemistä männäh uuteh, nykyaikaseh ta mukavah kouluh, kumpani rakennetah vuotena 2021 Koulutuš–projektin puittehissa. Kouluo varoin jo valittih paikka.
Koulutuš-projekti on šuuri kanšainvälini toimenpitojen šuunnitelma, kumpasen tarkotukšena on noštua Venäjän koulutušta korkiemmalla tašolla ta kašvattua šopušuhtehellisie ta vaštuullisie personallisukšie Venäjän kanšojen moraaliarvojen ta kulttuuriperintehien peruštehella. Yhtenä šuuren projektin tehtävistä on antua lapšilla mahollisuš opaštuo mukavissa nykyaikasissa kouluissa.
Kemissä StroiGrupp-firma alko valmistua paikka uutta kouluo varoin. Šen jälkeh ruvetah rakentamah koulun pohjua ta liittämäh kouluo inšeneriverkkoih. Koulun rakentamini šuunnitelmien mukah loppuu 1. talvikuuta vuotena 2021.