Kižin lapsien muzeikeskuksen Uvven Vuvven Rastavan histourii -programmah kirjuttamine on avattu.
Programmas on Rastavan verteppu -ozutelmu, kuduadu ezitetäh Kižin muzein Folklouru-etnogruafiellizen ansamblin artistat. Paiči sidä pruazniekas voibi yhtyö uvvenvuvven bobazen mualuamine -ruadopajah da kižata interaktiivizes Hebo-tuli -ozuttelus.
— Tyttiteatran spektakli “Rastavan verteppu” siirdäy kaččojii pieneh Viflejem-linnah, kus hyö tiijustetah diivittävän histourien Iisus Hristosan roindah nähte da Irod-suarin pahuzis, kuunnellah Rastavan pajoloi da perindöllizii sävelmii, sanou Lapsien muzeikeskuksen muzeinopastuksen piämetodistu Anna Isakova.
Uvven vuvven programmah kučutah joukkoloi, kus on enämbi viitty hengie. Programmoi ruvetah pidämäh 12.—28. talvikuudu. Programmoin algu on 10.00, 12.00 da 14.00 čuassuu. Pyhäpäivy on lebopäivy.
Kirjuttuakseh programmah voibi telefonois 79 98 40, 79 98 76, +7921 455 65 66 libo Kižin muzein lapsien muzeikeskukses adresil Fedosovan uuličču, 19.